नेपाली काँग्रेसकी प्रतिनिधिसभा सदस्य डा. डिला सङ्ग्रौलाले बागलुङमा होली खेल्ने क्रममा झगडा पर्दा दुई जनाको ज्यान गएको घटनाका बारेमा बोल्दै घटनाको बारे सत्य तथ्य पत्तालाई कारबाही गर्न माग गरेकी छिन् ।
उक्त घटनामा प्रकाश कुँवर र दीपक परियारको ज्यान गएकोमा दुख व्यक्त गर्दै उनले सरकार समक्ष घटनाको बारे सत्य तथ्य पत्ता लगाउन माग गरेकी हुन् ।
बागलुङ जिल्लाको बढिगाऊँ गाउँपालिका १० दर्लिङमा फागु खेल्ने निहुँमा रङ्ग दल्दा आपसमा भनाभन भई विवाद सुरु भएको थियो । विवाद बढ्दै जाँदा ग्याङफाइटमा परिणत भएको र मृतक प्रकाश कुँवर र दीपक परियारकोलाई भिरबाट फालिएको बताइएको छ ।
संग्रौलले फागु जस्तो पवित्र चाडमा यस्तो घटना घट्नुको पछाडि रहस्य होला पत्ता लगाउन र दोषी माथि कानुनी कारबाही गर्न सरकार समक्ष माग गरेकी छिन् । उनले मङ्गलवार आफ्नो सामाजिक सञ्जाल मार्फत उक्त घटनामा कुनै पनि बहानामा अपराधी नछुटोस् भन्दै सरकारको ध्यानाकर्षण समेत गराएकी हुन् ।
संग्रौलले मृत आत्माको चिर शान्तिको कामना गर्दै शोक सन्तप्त परिवारजनमा समवेदना समेत प्रकट गरेकी छन् ।
प्रतिक्रिया