बेगनास तालमा फेरि अर्का युवाको शव फेला, दुई दिनमा दुई शव भेटिए

पोखरा । लेखनाथ  पोखराको बेगनास तालमा अर्को युवाको पनि शव फेला परेको छ ।

पोखरा २६ जलधारेका निर ३१ बर्षका निराजन ढुंगानाको आज शनिवार बिहान बेगनासतालमा शव फेला परेको हो । शुक्रवार पनि सोही बेगनास तालमा पोखरा २७ पण्डितथरका ४२ वर्षीय राजु प्रसाद भुर्तेल मृत अवस्थामा फेला परेका थिए ।

गण्डकी प्रदेश प्रहरी कार्यालयका अनुसार निराजन शुक्रबार साढे चार बजेको समयमा ग १९ प ६१८८ नम्बरको स्कुटर लिएर घरबाट निस्किएका थिए ।

अबेरसम्म घर नफर्किएपछि परिवारले सम्पर्कबिहिन भएको भन्दै प्रहरीलाई खबर गरेका थिए। मृत अवस्थामा फेला परेका ढुंगानाको शुवको मुुचुल्का तयार पारी घटनाका सम्बन्धमा अनुसन्धान अगाडी बढाइएको प्रहरीले जनाएको छ।