काबुल । अफगानिस्तानको पूर्वी नांगारहार क्षेत्रमा बन्दुकधारीले स्वास्थ्यकर्मीमाथि आक्रमण गर्दा चार जनाको ज्यान गएको छ । नांगारहार क्षेत्रस्थित पोलियो थोपा अभियानका स्वास्थ्यकर्मीमाथि लक्षित गर्दै मंगलबार आक्रमण भएको हो ।
तीन महिनाको अवधिमा खोपका कर्मचारीहरुमाथिको यो दोस्रो आक्रमण हो । सरकारी अधिकारीहरुले भने यस घटनालाई तालिबान आक्रमण भन्दै आरोप लगाएका छन् । तर तालिबान समूहले यस आक्रमण आफूले गरेको कुरा अस्वीकार गरेको छ ।
अफगानिस्तान, पाकिस्तान लगायत छिमेकी देशमा पोलियो तथा अन्य विभिन्न खोप अभियान सञ्चालनमा भए पनि ती देशमा यस्ता खोपबारे अफवाह समेत फैलाइएका छन् ।
मंगलबार खग्यानी जिल्लामा भएको आक्रमणको क्रममा दुई खोप कर्ताहरू मारिनुका साथै एक जना घाइते भएका छन् ।
प्रतिक्रिया