Logo

गृहमन्त्रीले किन बोलाए सातै प्रदेशका आन्तरिक मामिलामन्त्री काठमाडौं ? 



सातवटै प्रदेशका आन्तरिक मामिला मन्त्रीहरु अहिले काठमाडौंमा छन् । सातै प्रदेशमा आन्तरिक मामिला मन्त्रीहरुसँग गृहमन्त्री खगराज अधिकारीले सिंहदरबारमा छलफल गरिरहेका छन् ।  यसअघि शुक्रबार राष्ट्रपति विद्यादेवी भण्डारीसँग छलफल गरेका गृहमन्त्री अधिकारीले आइतबार सातै प्रदेशका आन्तरिक मामिलामन्त्रीसँग छलफल गरिरहेका छन् । 
  
राष्ट्रपतिसँगको छलफल लगत्तै बन्दाबन्दीको समयमा सातै प्रदेशका आन्तरिक मामिला मन्त्री काठमाडौंमा भेला भएपछि चासो बढेको हो ।

सात प्रदेशका आन्तरिक मामिला मन्त्रीहरु काठमाडौं भेला भएपछि यसबारे बुझ्‍न गृह प्रवक्ता जनकराज दाहाललाई सम्पर्क गर्दा उनले समसामयिक विषयमा छलफल भइरहेको जानकारी दिए । 

उनले भने, “विपद् ब्यवस्थापन र निर्वाचन तयारी लगायतका विषयमा छलफल गर्न गृहमन्त्रीज्यूले उहाँहरुलाई काठमाडौं बोलाउनु भएको हो ।” 

बैठकमा नेपाल प्रहरीका महानिरीक्षक शैलेश थापा क्षेत्री, सशस्त्र प्रहरीका महानिरीक्षक शैलेन्द्र खनाल र राष्ट्रिय अनुसन्धान विभागका प्रमुख गणेश अधिकारी पनि सहभागी छन् ।

प्रकाशित मिति : असार ५, २०७८ आईतबार  २ : ०३ बजे

0
Shares

अनलाइनपाना डटकममा प्रकाशित सामग्रीबारे कुनै सूचना, गुनासो, तथा सुझाव भए हामीलाई [email protected] मा लेखी पठाउनुहोला ।