पाकिस्तानमा सेनालाई लक्षित गरेर वम विस्फोट

लाहोर
पाकिस्तानमा बम विस्फोटमा परी ६ जना सेना घाइते भएका छन् ।

पाकिस्तानको क्वेटा सरहमा विस्फोट भएको हो ।

सेनाको टोली विमानस्थलबाट सहरतर्फ गइरहेको बेला विस्फोट भएको पाकिस्तान प्रहरीले जनाएको छ ।

विस्फोटमा परी घाइते भएकामध्ये दुईजनाको अवस्था गम्भीर रहेको राज्यका गृहमन्त्री मीर जियाउल्लाहले जानकारी दिएका छन् ।
सेनाका ६ वटा गाडी विमानस्थलबाट सहरतर्फ गइरहेको बेला एउटा मोटरसाइलकमा बम विस्फोट भएको उनले बताए ।
विस्फोटमा चारदेखि पाँच किलोग्राम विस्फोटक पदार्थ प्रयोग गरिएको बताइएको छ ।

विस्फोट कसले गराएको यसबारे खुल्न सकेको छैन । स्थानीय प्रहरीले घटनाको अनुसन्धान भइरहेको जनाएको छ ।