Logo

 राष्ट्र संघीय शान्ति मिसनमा योगदान गर्ने नेपाल दोस्रो ठूलो मुलुक 



संयुक्त राष्ट्र संघीय शान्ति मिसनमा योगदान गर्ने नेपाल दोस्रो ठूलो बनेको छ ।

नेपालले शान्ति मिसनका लागि पाँच हजार ५७१ सेना परिचालन गरेको छ । जसमा २९४ नेपाली महिलना सैनिकहरु पनि रहेका छन् । सन् २०२१ को जुनमा नेपाल विश्वका शान्ति मिसनमा योगदान गर्ने मुलुकको सूचीमा तेस्रो नम्बरमा रहेको थियो । 

सन् २०२० को जनवरी १ मा नेपाल चौथो ठूलो मुलुक थियो । त्यस समय पाँच हजार ६५८ सेनाहरु विभिन्‍न १२ वटा मुलुकहरुमा परिचालित थिए ।  

पहिलो पटक सन् १९५८ मा नेपालले विभिन्‍न ४० वटा मुलुकहरुका लागि शान्ति मिसन सुरु गरेको थियो । लेबनान, कंगो, दक्षिण सुडान, इराक, मालीलगायतका मुलुकहरुमा हालसम्म एक लाख ३५ हजारभन्दा बढी नेपाली सेनाहरुले सेवा गरिसकेका छन् । 

शान्ति मिसनका क्रममा हालसम्म ७० जना नेपाली सेनाले विभिन्‍न मुलुकमा शान्ति कायम गर्ने क्रममा बलिदानी दिएका छन् । 

 

प्रकाशित मिति : श्रावण ४, २०७८ सोमबार  ५ : ३० बजे

0
Shares

अनलाइनपाना डटकममा प्रकाशित सामग्रीबारे कुनै सूचना, गुनासो, तथा सुझाव भए हामीलाई [email protected] मा लेखी पठाउनुहोला ।