चीनको हेनान प्रान्तमा भएको मानवीय र भौतिक क्षतिप्रति नेपाल सरकार दु:खी 

चीनको हेनान प्रान्तमा आएको बाढीका कारण भएको मानवीय र भौतिक क्षतिप्रति नेपाल सरकारले दु:ख व्यक्त गरेको छ । परराष्ट्र मन्त्रालयले शुक्रबार ट्विटरमार्फत दु:ख व्यक्त गरेको हो । 

मन्त्रालयले भनेको छ, “चीनको हेनान प्रान्तमा आएको बाढीका कारण भएको अमूल्य जीवन र भौतिक क्षतिबाट हामी दुखित भएका छौं । चीन सरकार र चिनयाँ नागरिकप्रति गहिरो समवेदना र घाइतेहरुको शीघ्र स्वास्थ्य लाभको कामना ।” 

हेनान प्रान्तमा आएको बाढीमा करिब ३३ जनाभन्दा बढीको मृत्यु भएको छ भने ७ सात जना अझै बेपत्ता छन् । चिनियाँ सञ्‍चारमाध्यमका अनुसार बेपत्ताहरुको खोजी भइरहेको छ । उक्त बाढीबाट सयौं हजार मानिसहरु विस्थापित भएका छन् भने १.२२ बिलियन  युआन बराबरको क्षति भएको छ । 

We are saddened by the loss of precious lives and properties by recent floods in Henan Province of China. We extend sincere condolences to the Government and people of China and wish for the speedy recovery of the injured. @PaudyalBR @sewa_lamsal

— MOFA of Nepal 🇳🇵 (@MofaNepal) July 23, 2021