भारतमा सडक दुर्घटना : १८ जनाको मृत्यु

नयाँ दिल्ली
भारतको उत्तर प्रदेशमा सडक दुर्घटना हुँदा १८ जनाको मृत्यु भएको छ ।

उत्तर प्रदेशको बाराबंकीस्थित यात्रुबाहक बसलाई ट्रकले पछाडिबाट ठक्कर दिँदा दुर्घटना भएको हो ।

बाराबंकीस्थित रामसनेहीघाट नजिक मंगलबार राति रोकिइराखेको यात्रुबाहक बसलाई ट्रकले पछाडि ठक्कर दिएको थियो । दुर्घटनामा दर्जनौं यात्रु घाइते भएका छन् ।

घाइतेमध्ये केहीको अवस्था गम्भीर रहेको बताइएको छ । उनीहरूको लखनउस्थित ट्रमा सेन्टरमा उपचार भइरहेको भारतीय सञचारमाध्यमले जनाएको छ ।

हरियाणाको पलवलबाट बिहारतर्फ आउँदै गरेको बसमा लगभग १४० यात्रु सबार रहेको बताइएको छ । उनीहरू अधिकांश मजदुर थिए ।

एक्सल भाँचिएर सडक छेउमा रोखिराखेको बसलाई ट्रकले पछाडिबाट ठक्कर दिएको प्रहरीले जनाएको छ ।
मृतक मजदुर बिहारको सितामढी, दरभंगालगायतका स्थानका रहेका बताइएको छ ।