जिफन्टको दावीः सामाजिक सुरक्षा कोष विरुद्ध योजनावद्ध षडयन्त्र

नेकपा एमाले निकट नेपाल ट्रेड युनियन महासंघ (जिफन्ट)ले सामाजिक सुरक्षा कोष विरुद्ध योजनावद्ध षडयन्त्र शुरु भएको आरोप लगाएको छ । दुई दिन अघि सर्वोच्च 

अदालतले बैंक तथा वित्तीय संस्थालाई स्वेच्छाविपरित सामाजिक सुरक्षा कोषमा आवद्ध हुन दबाब नदिन अन्तरिम आदेश जारी गरेपछि जिफन्टले यस्तो आरोप लगाएको हो ।

सर्वोच्चको अन्तरिम आदेश आएको दुई दिनपछि जिफन्टका महासचिव जनक चौधरीले जारी गरेको विज्ञप्तिमा लेखिएको छ, ‘आजकल सामाजिक सुरक्षा कोषविरुद्ध योजनावद्ध षडयन्त्र शुरु भएको छ । केही तथाकथित प्रायोजित ट्रेड युनियनहरुलाई मोहरा बनाएर सामदाम दण्डभेद प्रयोग गर्दै योगदानमा आधारित सामाजिक सुरक्षा कार्यक्रम असफल बनाउने खेल भइरहेको सहजै अन्दाज गर्न सकिन्छ ।’

विज्ञप्तिमा थप लेखिएको छ, ‘सर्वोच्च अदालतबाट जारी गरिएको अन्तरिम आदेशमा रोजगारदातालाई मनलागे अनुसार ऐन पालन गर्ने छुट हुने गरी व्याख्या गरिनु आश्चर्यजनक छ । यस्तो फैसला असल र मर्यादित रोजगारीको लागि समेत वाधक हुने छ । त्यसैले जिफन्ट यो अन्तरिम आदेश पूर्ण फैसलाबाट सच्चिनेछ भन्ने विश्वास व्यक्त गर्दछ ।’

सर्वोच्च अदालतले दिएको अन्तरिम आदेश नसच्चिएमा श्रम बजारमा अराजकता उत्पन्न हुने जिफन्टले  ठहर गरेको छ ।