नेविको विस्कुट कारखानामा भिषण आगलागी

बालाजु औद्योगिक क्षेत्रभित्र रहेको नेबिको बिस्कुट कारखानामा भीषण आगलागी भएको छ ।

गएराति करिब साढे १२ बजेबाट सुरु आगलागी अझै नियन्त्रणमा आउन सकेको छैन । महानगरीय प्रहरी वृत्त बालाजुका प्रमुख प्रहरी नायब उपरीक्षक निर्मल बुढाथोकीले आगलागी नियन्त्रणको प्रयास जारी गरेको बताए ।

औद्योगिक क्षेत्र र काठमाण्डु महानगरपालिकाका ९ वटा दमकल प्रयोग गरी आगलागी नियन्त्रणको प्रयास जारी राखेका छन् । यस्तै अग्नि नियन्त्रण फोर्म समेत प्रयोग गरिएको बुढाथोकीले बताए । आगलागीको कारण र त्यसबाट भएको क्षतिबारे अध्ययन सुरु गरिएको प्रहरीले जनाएको छ ।