संसदको प्रमुख प्रतिपक्षमा रहेको दल नेपाली काङ्ग्रेसका केन्द्रीय सदस्य अर्जुननरसिंह केसीले सङ्घीयताको मर्मअनुरुप सिंहदरबारका अधिकार गाउँसम्म पुग्नुपर्नेमा नेकपाले भ्रष्टाचार पुर्याएको आरोप लगाएका छन् । नेपाली काङ्ग्रेस कास्कीद्वारा आयोजित कार्यकर्ता भेटघाट कार्यक्रममा उनले वाइडबडी, फोर ‘जी’ लगायतमा आर्थिक अनियमितता भएको र त्यसको स्वतन्त्र छानबिन हुनुपर्ने धारणा राखे ।
उनले काङ्ग्रेसले भ्रष्टाचारीलाई नबोक्ने बताए । संसद्मा संसदीय समिति शक्तिशाली हुने चर्चा गर्दै उनले समितिले छानबिन गरिरहेका अवस्थामा सरकारबाट न्यायिक समिति बनाइनु जायज नभएको धारणा राखे ।
नीतिगत त्रुटी, नेतृत्वगत कमजोरी लगायतका कारणबाट नेपाली काङ्ग्रेस कमजोर बनेको उल्लेख गर्दै नेता केसीले एकआपसमा दोषारोपणभन्दा पनि सुधारवादी आन्दोलन आवश्यक छ भने । पार्टी व्यक्तिबाट नभइ विधिबाट चल्नुपर्ने र कार्यकर्ताले पनि विवेकलाई बन्दी बनाउन नहुनेमा उनको जोड छ ।
प्रतिक्रिया