Logo

सगरमाथाको नयाँ उचाई सार्वजनीक 



नेपाल र चीन सरकारले संयुक्त रुपमा आज विश्वकै सर्वोच्च शिखर सगरमाथाको उचाई सार्वजनिक गरेका छन् । नेपाल र चीनले डिजिटल माध्यममार्फत दुवै देशका उच्च स्तरीय अधिकारीहरुको सहभागितामा नयाँ उचाई सार्वजनिक भएको हो ।

नेपालले गत वर्ष सगरमाथाको उचाई मापत गरेको थियो । नयाँ मापन अनुसार सगरमाथाको उचाई आठ हजार आठ सय ४८.८६ मिटर कायम भएको छ ।

नेपाल र चीनले संयुक्त रुपमा आयोजित कार्यक्रममा सगरमाथाको चोमोलुङ्लाको रुपमा समेत स्वीकार गरिएको छ । संयुक्त कार्यक्रममार्फत परराष्ट्र मन्त्री प्रदिप कुमार ज्ञवालीले सगरमाथाको नयाँ उचाई घोषणा गरेका छन् ।

यसअघि सर्वे अफ इण्डियाले सन् १९५४ मा मापन गरेको सगरमाथाको उचाई ८८४८ मिटरलाई नेपालले मान्यता दिँदै आएको थियो भने चीनले भने सगरमाथाको उचाइ ८ हजार ८४५ भएको बताउँदै आएको थियो ।  नयाँ घोषणासँगै अब सगरमाथाको उचाइमा एकरुपमा कायम भएको छ । 

प्रकाशित मिति : मंसिर २२, २०७७ मंगलबार  २ : २६ बजे

0
Shares

अनलाइनपाना डटकममा प्रकाशित सामग्रीबारे कुनै सूचना, गुनासो, तथा सुझाव भए हामीलाई [email protected] मा लेखी पठाउनुहोला ।