युइएफए च्याम्पियन्स लिगमा समूह ‘ई’ बाट नकआउट चरणमा स्थान सुरक्षित गरिसकेको लन्डन क्लब चेल्सी रसियन क्लब क्रास्नाडोरसँग बराबरीमा रोकिको छ ।
मंगलबार स्टामफोर्ड ब्रिजमा राति भएको खेलमा चेल्सीले क्रास्नाडोरसँग १–१ गोलको बराबरी खेलेको हो । घरेलु टोली चेल्सी २४औं मिनेटमा रेमी कावेलाको गोलबाट पछि परेको थियो । तर, क्रास्नाडोरको त्यो अग्रता लामो समय टिकेन । २८औं मिनेटमा जर्गिन्होले पेनाल्टीमा गोल गर्दै खेललाई १–१ गोलको बराबरीमा ल्याए । ट्याम्मी अब्राहमलाई पेनाल्टी बक्समा काइओले फल गरेपछि प्राप्त पेनाल्टीमा जर्गिन्हो चुकेनन् ।
३०औं मिनेटमा काई हार्भटजको पासमा ट्याम्मी अब्राहमको हेडरलाई क्रास्नोडरका गोलरक्षक गारोडोेभले बचाए । पहिलो हाफको इन्ज्युरी समयको थप गरिएको दोस्रो मिनेटमा काई हाभर्टजको फ्रिकिक पोस्टबाट थोरै बाहिरिदा चेल्सी अग्रता लिनबाट चुक्यो । दोस्रो हाफमा दुवै टोलीले गोलको केही सुवर्ण अवसर सिर्जना गरेपनि गोल निस्कन नसक्दा खेल बराबरीमा सकियो ।
प्रतिक्रिया