विभिन्न स्थानमा ४ जना मृत अवस्थामा फेला

कपिलवस्तु, सिरहा र कास्कीका विभिन्न स्थानमा शनिबार ४ जना मृत अवस्थामा फेला परेका छन् ।

कपिलवस्तु, शिवराज नगरपालिका-५ मेरी स्टोप चोकमा शिवराज नगरपालिका-५ चन्द्रौटामा डेरा गरी बस्ने दाङ सतबरिया घर भएकी ५५ वर्षीया शुशिला खड्का मृत अवस्थामा फेला परेकी छन् । उक्त घटनाको शंकास्पद देखिएकोले थप अनुसन्धानका लागि ४ जनालाई प्रहरीले नियन्त्रणमा लिएको छ ।

सिरहा, कर्जन्हा नगरपालिका-१ बहेरबनी गाँउ नजिक तार्केश्वर मन्दिरसँगैको टहरामा हाल नाम, थर, वतन नखुलेका करिब  ५० वर्षीय पुरुष मृत अवस्थामा फेला परेका छन् ।

कास्की, मादी गाउँपालिका-३ खुसको डाँडाको जंगलमा हाल नाम,थर, वतन नखुलेका करिब ५५ वर्षीय पुरुष मृत अवस्थामा फेला परेका छन् । यसैगरी कास्की, रुपा गाउँपालिका-७ पिप्लेस्थित मादी खोलाको किनारामा हाल नाम, थर, वतन नखुलेका करिब ३० वर्षीय पुरुष मृत अवस्थामा फेला परेका छन् ।

यस सम्बन्धमा स्थानीय प्रहरीले थप अनुसन्धान गरिरहेको जनाएको छ ।