सिटीद्वारा आर्सनल ४-१ ले पराजित

इङ्ग्लिश क्लब म्यान्चेष्टर सिटीले लण्डन क्लब आर्सनललाई हराउँदै ईपीएल कप फुटबलको सेमिफाईनलमा प्रवेश गरेको छ ।

मंगलबार राति ईमिरेट्स स्टेडियममा क्वार्टरफाईनलको खेलमा सिटीले घरेलु टोली आर्सनललाई ४–१ गोलको फराकिलो अन्तरले पराजित गरेको हो । खेलको तेस्रो मिनेटमा ब्राजिली स्टार ग्याब्रियल जिससले सिटीलाई अघि बढाएका थिए । लाकाजेट्टीले ३१ औं मिनेटमा आर्सनलका लागि बराबरी गोल फर्काए ।

पहिलो हाफ एक एकको बराबरीमा टुङ्गिए सँगै दोस्रो हाफको ५४ औं मिनेटमा रियाद महरेजले सिटीलाई २–१ ले अघि बढाए । फिल फोडिनले ५९ औं मिनेटमा सिटीका लागि तेस्रो गोल गरे । फोडिनकै क्रसमा लोपार्टीले ७३ औं मिनेटमा हेडमार्फत गोल गर्दै सिटीको ४–१ को जित सुनिश्चित गरेका थिए ।