Logo

प्रमुख समाचार

कांग्रेस छ भन्ने हेक्का नराख्नु ओलीका लागि महाभूल सावित हुनेछ : गगन थापा



नेपाली कांग्रेसका युवा नेता गगन थापाले प्रधानमन्त्री ओलीको सनकले गर्दा मुलुक द्वन्द्वतर्फ धकेलिन लागेको आरोप लगाएका छन् । मंगलबार साँझ बसेको मन्त्रिपरिषद्को बैठकले विप्लव नेतृत्वको नेतृत्वको नेकपाका गतिविधिलाई आपराधिक ठहर गर्दै प्रतिबन्ध लगाएको विषयलाई लक्षित गर्दै नेता थापाको यस्तो भनाइ सार्वजनिक भएको हो ।

बुधबार नेपाल महिला संघले अर्घाखाँचीको सन्धिखर्कमा आयोजना गरेको कार्यकर्ता भेटघाट कार्यक्रममा बोल्दै नेता थापाले प्रधानमन्त्रीको सनकले देश नचल्ने बताए प्रष्ट पारेका हुन् । उनले भने, ‘गिरिजाबाबुको नेतृत्वमा तत्कालिन माओवादीसँग सहमति गरेर देशमा शान्ति स्थापना भयो । अहिले केपी ओलीले फेरी देशलाई अशान्ती र द्वन्द्वतर्फ धकेल्न खोजे । सनकले देश चल्दैन ।’

ओली सरकारले भष्टचारलाई रोक्न नसकेको, जनताका आधारभूत आवश्यकता पुरा गर्न नसकेको र दुई तिहाइको दम्भले सरकार तानाशाही बन्नतर्फ लागेको उनको आरोप थियो ।

साथै थापाले संसदमा विपक्षी दल कांग्रेस छ भन्ने पनि हेक्का नराख्नु ओलीको लागि भुल हुन पनि बताए । देशलाई बचाइराख्न अब कांग्रेसले सशक्त भूमिका रचनात्मक तरिकाले खेल्नुपर्नेमा जोड दिए ।

प्रकाशित मिति : फाल्गुन २९, २०७५ बुधबार  ११ : २७ बजे

0
Shares

अनलाइनपाना डटकममा प्रकाशित सामग्रीबारे कुनै सूचना, गुनासो, तथा सुझाव भए हामीलाई [email protected] मा लेखी पठाउनुहोला ।