श्रीलंकाले दक्षिण अफ्रिकाविरुद्ध पहिलो टेष्ट खेलमा बलियो प्रर्दशन गरेको छ ।
सुपर स्पोर्ट्स पार्कमा टस जितेर ब्याटिङ रोजेको श्रीलंका पहिलो दिनको समाप्तिमा दिनेश चान्डिमल र धनञ्जय डी शिल्भाको अर्ध शतकको सहयोगमा पहिलो इनिङमा ८५ ओभरमा ३४०–६ को अवस्थामा छ । श्रीलंका दसुन शनका २५ र कसुन रजिथा ७ रनमा अविजित छन् ।
सुरुवात कमजोर गरेपनि चौथो विकेटका लागि चान्डिमल र शिल्भाले १ सय ३१ रनको साझेदारी गर्दै टोलीलाई बलियो अवस्थामा पुर्याएका थिए । चान्डिमल १ सय ६१ बलमा ११ चौका सहित ८५ रनमा आउट भए । डी शिल्भा १ सय ६ बलमा ११ चौका र १ छक्का सहित ७९ रनमा रिटायर्ट हर्ट भएका छन् । यी दुई बीचको साझेदारी ६६ औं ओभरमा वियन मुल्डरले फाफ डु प्लेसिसबाट क्याच गराउँदै तोडेका थिए ।
दक्षिण अफ्रिका वियन मुल्डरले ३ विकेट लिएका छन् ।
प्रतिक्रिया