अनुष्का र विराटलाई पुत्रीलाभ

बलिउड अभिनेत्री अनुष्का शर्मा र भारतीय क्रिकेट टिमका कप्तान विराट कोहलीलाई पुत्री लाभ भएको छ । विराटले उक्त कुराको जानकारी (हिजो) सोमबार   सामाजिक संजाल ट्विटरमार्फत् दिएका हुन् । अहिले आमा छोरी दुबैको स्वास्थ्य अवस्था राम्रो भएको उनले बताएका छन् ।

विराटले ट्विटरमा लेखेका छन् -‘हामी दुबै जना ज्यादै खुशी छौ, किनकी आज हामीलाई पुत्री लाभ भएको छ । तपाईँहरु सबैको माया र शुभकामनाको लागि हामी हार्दिक आभारी छौं । अनुष्का र छोरी दुबैको अहिले स्वास्थ्य अवस्था ठिक छ । हामीले जिन्दगीको नयाँ अध्याय सुरु गर्दैछौं । अहिले हामी थोरै मात्रामा भएता पनि गोपनिएता चाहन्छौं भन्ने कुरा तपाईँहरु सबैले बुझिदिनु हुनेछ ।’