दमकको भुटानी शरणार्थी क्याम्पमा आगलागी हुँदा एक जनाको मृत्यु

जिल्लाको दमक, बेल्डाँगीस्थित भुटानी शरणार्थी शिविरमा आगलागी हुँदा एक जनाको मृत्यु भएको छ ।

दमक नगरपालिका -३ स्थित भुटानी शरणार्थी सिविरको सेक्टर नम्बर डि ४ हट नम्बर ३२५ मा सोमबार राति करिब ७ बजेतिर आगलागी हुँदा घरभित्र सुतिरहेका प्यारालाइसिसका बिरामी ६० वर्षीय देशमान राईको मृत्यु भएको हो ।

नेपाल प्रहरी, सशस्त्र प्रहरी र दमक नगरपालिकाबाट गएको दमकलको सहयोगमा अहिले आगलागी नियन्त्रणमा आइसकेको जिल्ला प्रहरी कार्यालय झापाले जनाएको छ ।