इटालियन सिरी ‘ए’ फुटबल अन्तर्गत साविक विजेता युभेन्ट्स इन्टर मिलानसँग पराजित भएको छ ।
इन्टरको घरेलु मैदानमा आइतबार राति भएको खेलमा युभेन्ट्स इन्टर मिलानसँग २-० गोल अन्तरले पराजित भएको हो ।
इन्टरलाई जित दिलाउन अर्टुरो भिडाल र निकोलो बारेल्लाले समान एक एक गोल गरे ।
इन्टरले खेलको १२ औं मिनेटमा भिडालको गोलबाट अग्रता लिएको थियो ।
पहिलो हाफमा १ शुन्यले पछि परेको युभेन्टसले दोस्रो हाफको ५२ औं मिनेटमा पुन गोल खान पुग्यो । इन्टरका लागि दोस्रो गोल निकोलोले गरे ।
जितसंगै इन्टरले ४० अंक जोडेको छ भने शीर्ष स्थानको मिलानसँग अंक बराबरी गरेको छ । पराजित युभेन्ट्स ३३ अंक जोडेर पाँचौ स्थानमा रहेको छ ।
प्रतिक्रिया