सोमाबर चौंथो दिन बिर्स्बेनमा अष्ट्रेलियाले दोस्रो इनिङ्समा २ सय ९४ रन जोड्दा सबै विकेट गुमाएपछि भारतले ३ सय २८ रनको लक्ष्य पाएको हो ।
अस्ट्रेलियाका लागि दोस्रो इनिङ्समा स्टिभ स्मिथले ५५ रनको अर्धशतकीय इनिङ्स खेल्दा ओपनर डेभिड वार्नर ४८ र मर्कुस ह्यारिसले ३८ रन बनाए । त्यस्तै मार्नुस लेबुसचेनले २५ रन बनाए । कप्तान टिम पेन २७, क्यामरुन ग्रीन ३७ र प्याट कुमिंस २८ रनमा अविजित रहे ।
भारतका मोहमद सिराजले पाँच, शार्दुल ठाकुरले चार र वासिंटन सुन्दरले एक विकेट लिए ।
भारतले पहिलो इनिङ्समा अलआउट हुँदै ३ सय ३६ रन बनाएको थियो । भारतका शार्दुल ठाकुर र वासिंटन सुन्दरले अर्धशतकीय इनिङ्स खेल्दै ६७ र ६२ रन बनाएका थिए । यस्तै ऋषब पन्तले २३ रन जोड्दा मयंक अग्रवाल ३८ र चेतेस्व्रर पुजराले २५ रन बनाए । रोहित शर्माले ४४ र कप्तान अजिन्का रहाने ३७ रन बनाए ।
अष्ट्रेलियाका जोश हाजलउडले ५ विकेट लिए ।
यस अघि पहिले ब्याटिङ गरेको अष्ट्रेलियाले अलआउट हुँदै ३ सय ६९ रन बनाएको थियो । आईसीसी विश्व टेस्ट च्याम्पियनसिप अन्तर्गतको ४ खेलको सिरिज १-१ को बराबरीमा रहेको छ ।
३ सय २८ रनको जबाफी ब्याटिङमा उत्रेको भारतले बिना विकेटको क्षतिमा ४ रन जोडेको छ । ओपनर रोहित शर्मा र शुभम् गिल क्रिजमा रहेका छन । अहिले बर्षाले खेल रोकिएको छ ।
प्रतिक्रिया