प्रधानमन्त्री कप: दुई खेल हुँदै

प्रधानमन्त्री कप (पीएम कप) एकदिवसीय राष्ट्रिय पुरुष क्रिकेट प्रतियोगितामा आज पनि दुई खेलहरु भइरहेका छन् । 

कीर्तिपुरस्थित टियु क्रिकेट मैदानमा कर्णाली प्रदेश र प्रदेश-१ बीच प्रतिस्पर्धा भइरहेको छ । टस जितेर पहिले ब्याटिङ रोजेको प्रदेश-१ ले २२.१ ओभरको खेल सकिँदा सम्म चार विकेटको क्षतिमा मात्र ७४ रन जोडेको छ । 

यस्तै, मुलपानी क्रिकेट मैदानमा भइरहेको अर्को खेलमा उपाधि दाबेदार ठानिएको बागमती प्रदेशले प्रदेश-२ को सामना गर्दैछ । टस जितेर पहिले ब्याटिङ रोजेको प्रदेश-२ ले २१.४ ओभरको खेल सकिँदा ६ विकेट खर्चेर मात्र ५९ रन जोडेको छ । 

प्रदेश-२ विरुद्ध मैदान उत्रदा बागमती लगातार तेस्रो जितको खोजीमा हुनेछ । बागमतीले यस अघि पुलिस र सुदूरपश्चिमलाई हराएको थियो । प्रदेश-२ भने पहिलो जितको खोजीमा रहेको छ ।