चिरप्रतिद्वन्द्वी इन्टर मिलानलाई समग्रमा २-१ गोल अन्तरले पराजित गर्दै युभेन्टस कोपा इटालिया फुटबलको फाइनलमा प्रवेश गरेको छ ।
मंगलबार राति भएको सेमिफाइनलको दोस्रो लेगमा युभेन्टस र इन्टरले गोलरहित बराबरी खेलेपनि अघिल्लो लेगमा निकालेको जितसँगै युभेन्टस फाइनल प्रवेश गरेको हो ।
पहिलो लेगमा युभेन्टसले इन्टरको मैदानमा २-१ को जित निकालेको थियो ।
अब उपाधिको लागि युभेन्टसले नापोली र एटलान्टाबीचको विजेतासँग खेल्नेछ । दुई टोलिबीचको दोस्रो लेग बुधबार राति हुनेछ ।
कोपा इटालियाको फाइनल मे १९ मा हुनेछ ।
प्रतिक्रिया