स्पेनिस ला लिगा फुटबल अन्तर्गत आइतबार राति भएको खेलमा एथ्लेटिको मड्रिड बराबरीमा रोकिएको छ । अवे मैदानमा भएको खेलमा एथ्लेटिको मड्रिड एथ्लेटिको बिल्बाओसँग १–१ को बराबरीमा रोकिएको हो ।
३७ औँ मिनेटमा मुनिएइनले गोल गर्दै एथ्लेटिको बिल्बाओलाई सुरुवाति अग्रता दिलाए । तर त्यसको दुई मिनेटपछि डिएगो कोस्टाले एथ्लेटिको मड्रिडका लागि बराबरी गोल गरे ।
उनले सन् २०२० मा पहिलो गोल गरेका हुन् । बराबरीपछि एथ्लेटिको मड्रिडको २८ खेलबाट ४६ अंक भएको छ र उ छैटौँ स्थानमा रहेको छ ।
आइतबार राति नै भएको खेलमा रियल सोसिडाड र ओसासुनाले १–१ को बराबरी खेलेका छन् ।
प्रतिक्रिया