विश्वव्यापी स्वास्थ महामारीको रूपमा फैलिएको कोरोना भाइरस (कोभिड-१९) नेपालमा पनि बढ्दो क्रममा रहेको छ ।
आइतबारसम्म नेपालमा कोरोना संक्रमितको संख्या ९ हजार नाघेको छ । नेपालका ७७ जिल्लामध्ये ७६ जिल्लामा कोरोना संक्रमण फैलिएको छ । आइतबार ओखलढुंगा जिल्लामा कोरोना संक्रमित भेटिएसँगै अब कोरोना संक्रमण नपुगेको जिल्ला रसुवा मात्रै रहेको छ ।
एक हप्ता अगाडि भारतबाट फर्किएका ओखलढुंगा जिल्लाको लिखु गाउँपालिकाका २८ वर्षीय युवामा कोरोना संक्रमण पुष्टि भएको हो ।
स्वास्थ कार्यलयका अनुसार रुम्जाटारका प्रमुख सुमन तिवारीले आज पिसीआर परिक्षण गरिएका ६ जनामध्ये एकजना युवाको रिपोर्ट पोजेटिभ आएको पुष्टि गरेका हुन् ।
कोरोना संक्रमण पुष्टि भएका युवा सुरक्षीत तवरले क्वारेन्टिनमा रहेको जानकारी दिएको छ ।
प्रतिक्रिया