इंग्लिस प्रिमियर लिग अन्तर्गत म्यानचेस्टर युनाईटेडले न्युक्यासल युनाईटेडलाई पराजित गरेको छ ।
युनाईटेडको घरेलु मैदान ओल्डट्राफोर्डमा आइतबार राति भएको खेलमा घरेलु टोली युनाईटेडले न्युक्यासललाइ ३-१ गोल अन्तरले पराजित गरेको हो । युनाइटेडको जितमा मार्कुस रासफोर्ड, ड्यानियल जेम्स र ब्रुनो फर्नान्डेसले गोल गरे । न्युक्यासलका लागि एलान सेन्ट म्याक्सीमिनले एक गोल फर्काए ।
जितसँगै दोस्रो स्थानमा रहेको युनाईटेडको २५ खेलबाट ४९ अंक पुगेको छ। पराजित न्युक्यासल २५ अंक जोडेर १७औं स्थानमा छ।
प्रिमियर लिगकै अर्को खेलमा शीर्षस्थानमा रहेको म्यानचेस्टर सिटीले आर्सनललाई पराजित गरेको छ ।
आर्सनलको घरेलु मैदान इमिरेट्स स्टेडियममा आइतबार राति भएको खेलमा सिटीको जितमा रहिम स्टर्लिङले पहिलो हाफको दोस्रो मिनेटमा गरेको गोल नै निर्णायक बन्यो ।
जितसँगै सिटी २५ खेलबाट ५९ अंक जोडेर शीर्षस्थानमा रहेको छ । पराजित आर्सनल ३४ अंक जोडेर १०औं स्थानमा छ ।
प्रतिक्रिया