खेलकुद मन्त्रीद्वारा एक वर्षे कार्यकालका उपलब्धि सार्वजनिक
  • अनलाइनपाना संवाददाता
  • आइतवार, चैत्र ३, २०७५
  • काठमाडौँ

युवा तथा खेलकुद मन्त्री जगत विश्वकर्माले आफ्नो एक वर्षे कार्यकालको उपलब्धी सार्वजनि गरेका छन् । उनले उपलब्धी सार्वजनि गर्दै सरकारले २ वर्ष भित्र काठमाडौंको मूलपानीमा ‘अन्तराष्ट्रिय क्रिकेट मैदान’ निर्माण कार्य सम्पन्न गर्ने तयारी अघि सारेको जानकारी दिएका छन् ।

एक वर्षे कार्यकालको उपलब्धी सार्वजनिक गर्दै मन्त्री विश्वकर्माले १३ औं दक्षिण एसियाली खेलकुद प्रतियोगिता आयोजनाका लागि आवश्यक खेल पूर्वाधार निर्माण कार्य तीव्र गतिका साथ अघि बढाइएको जानकारी समेत दिएका छन् । यस्तै सरकारले सबै स्थानीय तहमा १ १ वटा दीर्घकालीन महत्वका खेलग्राम निर्माणका लागि स्थानीत तह खेल पूर्वाधार निर्माण कार्यविधि मन्त्रीपरिषदबाट स्वीकृत भई कार्यान्वयनमा ल्याइएको पनि दावी गरे ।

मन्त्री विश्वकर्माले प्रदेश ५ को नेपालगंज लगायतका जिल्लामा आयोजना हुने ८ औं राष्ट्रिय खेलकुद प्रतियोगितासँग सम्बन्धित खेलका पूर्वाधार निर्माण कार्य सम्पन्न हुने चरणमा पुगेको पनि स्पष्ट पारे युवा तथा खेलकुद मन्त्रालयले पर्यटकीय खेल गन्तव्यहरुको पहिचान गरी आवश्यक पूर्वाधार निर्माण तथा उच्च धरातलीय खेलकुद प्रशिक्षण केन्द्र स्थापनाको कार्य पनि सुरु गरेको छ ।

मन्त्री विश्वकर्माले खेल क्षेत्रको माध्यामबाट नेपालको अर्थतन्त्रमा टेवा पुर्‍याउन साहसिक तथा पर्यटकीय खेल गन्तव्यहरुको पहिचानका लागि आवश्यक पहलकदमी लिन सो प्रशिक्षण केन्द्र स्थापनाको कामलाई अघि बढाइएको पनि बताए ।

मन्त्री विश्वकर्माले चालू आर्थिक वर्ष भित्रै देशका विभिन्न भागमा ६ वटा रंगशाला, १९ वटा कभर्ड हल, ७ वटा क्रिकेट मैदान र विभिन्न ९० स्थानमा स्थानीय खेल मैदान निर्माण कार्यलाई तीव्रता दिने योजना पनि रहेको जानकारी दिए ।