राष्ट्रपति विद्या भण्डारीले बोलाएको सर्वदलीय बैठकमा प्रधानमन्त्री केपी शर्मा ओलीले संसद् बिघटन गरेर मध्यावधि निर्वाचनमा जाने प्रस्ताव राखेर नयाँ तरंग पैदा गरेका छन् ।
ओली निकट नेकपा एमाले राष्ट्रिय युवा संघका केन्द्रीय उपाध्यक्ष संजिवकुमार झाका अनुसार प्रधानमन्त्री आफनो रोडम्यापमा स्पष्ट छन् । संसद् चल्न नसक्ने अवस्थामा यसलाई बिघटन गरेर प्रधानमन्त्रीले मध्यावधि चुनावमा जाउँ भन्नु अस्वभाविक नभएको उनी बताउँछन् ।
यदि मध्यावधि चुनाव भएन भनेपनि अबको दुई वर्ष ओली नै प्रधानमन्त्री रहने झाको दावी छ । यसका लागि जनता समाजवादी पार्टीले प्रधानमन्त्री ओलीलाई साथ दिनेछ । जसपाको बाबुराम उपेन्द्र समूह अलग्गिए पनि महन्थ ठाकुर लगायतका नेताहरु ओलीको पक्षमा भएको उनको दावी छ ।
उपाध्यक्ष झाका अनुसार एमालेमा माधव नेपाल समूहले असन्तुष्टिका नाममा आफनो कुण्ठा मात्र पोखिरहेको छ । माधव नेपालले पार्टीमा ‘स्पेस’ खोजेको र ओलीसंग राम्रोसंग कुराकानी गरे त्यो इच्छा पूरा हुनसक्ने उनले बताए ।
एमाले मात्र होइन नेकपा भित्र बिभाजनको बिउ रोप्ने काम बामदेव गौतमले गरेका हुन् । जहिले पनि तटस्थताका नाममा यताउता गरेर उनले समस्या सृजना गरेका हुन् । अहिले फेरि एमाले एकता अभियान चलाएका छन् । उनले फेरि अर्को दुर्घट्ना गराउँछन् ।
माधव समूहमा कहलिएका घनश्याम भुषाल, योगेश भट्टराईहरुको धज्जी उडाउँदै झा भन्छन्, ‘ सरकारमा मन्त्री बनेकै हुन् के गरे ? जाबो मल ल्याउन नसक्ने, किसानका समस्या बुझ्न नसक्ने पनि मन्त्री हुन्छन् ? त्यस्ता पनि बुद्धिजिवी ? ’
ओली सरकारमा भ्रष्टाचारी, बलात्कारी र सामाजिक अपराधीलाई कुनै छुट नभएको झा बताउँछन् । उनले गौर हत्याकाण्ड लगायत उपेन्द्र यादव मन्त्री हुँदा भएको अनियमितता र माओवादी शिविरका नाममा भएको भ्रष्टाचारको गम्भीर छानबिन भैरहेको समेत जानकारी गराए ।
विस्तृत भिडियोमा :