काठमाडौं । यसवर्षको महाशिवरात्रिका लागि भारत तथा देशका विभिन्न भागबाट आएका साधुसन्त तथा जोगीको बिदाइ गरिएको छ ।
आज पशुपतिनाथ परिसरबाट ६ हजारभन्दा बढी साधुसन्तको एक साथ बिदाइ गरिएको हो । पशुपति क्षेत्र विकास कोषका अनुसार महाशिवरात्रीका लागि पशुपतिनाथ दर्शन गर्न आएका साधुसन्तलाई वरिष्ठताका आधारमा रुद्राक्षको मालासहित २ सयदेखि ९ हजारसम्म दक्षिणा दिएर बिदाइ गरिएको छ ।
भारतलगायत विभिन्न देशबाट आएका साधुसन्तलाई हरेक वर्ष पशुपति क्षेत्र विकास कोष र गुठी संस्थानले परम्पराअनुसार बिदाइ गर्ने चलन छ । महाशिवरात्रीका लागि आएका साधुसन्त फाल्गुन शुक्ल एकादशीमा पशुपति मन्दिर प्रवेस गरेर फाल्गुन शुक्ल औसीका दिन बाहिरिने गर्दछन् ।
यसवर्ष साधुसन्तको बिदाई र दक्षिणाका लागि करिब २० लाख छुट्टाइएको गुठी संस्थानले जनाएको छ ।
तस्बिरहरू :
प्रतिक्रिया