सेक्युरिटी प्रेस खरिदमा बिचौलियासँग ७० करोड कमिसन डिल गरेको आरोप लागेपछि राजीनामा दिएका पूर्वसञ्चारमन्त्री गोकुल बाँस्कोटाको भक्तपुरस्थित निवासमा बम विस्फोट भएको छ ।
मध्यपुर ठिमी नपरपालिका–१ मा बन्दै गरेको बाँस्कोटाको नयाँ घरमा बुधबार बिहान बम विस्फोट भएको हो । प्रहरीका अनुसार विस्फोटबाट घरको पर्खाल र झ्यालका सिसा फुटेका छन् ।
पार्किङमा राखिएको मारुती भ्यानमा समेत क्षति पूगेको छ । ठूलो आवाजसहित विस्फोट भएपछि स्थानीय बासिन्दा त्रसित भएका थिए ।
विस्फोटका समयमा घरमा कोही नभएका कारण मानवीय क्षति भने हुन पाएन । बाँस्कोटा प्रधानमन्त्री केपी ओलीको निजी निवास बालकोटमा बस्दै आएका छन् ।
बम कसले र किन विस्फोट गरायो भन्नेबारे प्रहरीले केही बताएको छैन ।
प्रतिक्रिया