पार्टी भाँड्ने दीपकको यस्तो बिजोग

राष्ट्रिय प्रजातन्त्र पार्टी (राप्रपा) का नेता दीपक बोहरा आफ्नो लागि भनेपछि जे पनि गर्छन् तर पार्टीको लागि भने उनी सधैं भिलेनजस्तो बनेका छन् । उनी पार्टीलाई मिलाउने नाममा सधैं भाँड्ने खेतिमात्र गर्ने गर्छन् ।

पार्टीमा डेरा सरिरहने उनको बानी छ । अहिले उनी कमल थापा नेतृत्वको पार्टीमा पद लिएर गएका छन् । यसअघि राप्रपा (प्रजातान्त्रिक) मा रहेका उनलाई पशुपति शमशेर राणाले नपत्याएपछि उनी भौंतारिएर थापाकामा पुगेका हुन् । बोहरा प्रतिनिधिसभामा रुपन्देहीबाट पराजित भए ।

उनले २०७० सालको संविधानसभा जितेका थिए । मन्त्री खान भनेपछि ज्यानै छोड्ने बोहराले यसअघि थापालाई छोडेर राणाको पार्टीमा लागेका थिए । बोहरालाई पार्टी एकता गर्ने भन्दा पनि भाँड्ने र त्यही मौकामा फाइदा लिन खोज्ने नेताका रुपमा पार्टीभित्र चिनिने गरिएको छ ।

राणाले बोहराको जासुसी पारा मन नपराएपछि लात हानेका थिए । अनि उनी थापाको शरणमा पुगेका हुन् । राप्रपामा पार्टी छाडेर पोइला जाने प्रचलन बढेको छ । राणासँगै रहँदा आफू पछि परिएला भनेर उनले केशरबहादुर बिष्टलाई पार्टीमा ढिम्किन पनि दिएनन् ।

अन्तिममा उनले नै पार्टी छोडेर गएपछि बिष्ट पनि आउन सकेका छैनन् । यतिसम्म कि उनले आफू मन्त्री भएर पनि आफ्नै पार्टीका जयन्त चन्दलाई ६ महिनापछि मात्र मन्त्री बनाए । उनी पाएजति पद आफैंमात्र लिनुपर्छ भन्ने पक्षमा छन् ।