जिल्ला स्तरमा पार्टी एकता भएपश्चात नेपाल कम्युनिष्ट पार्टी (नेकपा) चर्केको विवाद अझैपनि साम्य हुन सकेको छैन्।
आफूूभन्दा कनिष्ठ पूूर्ब एमालेका नेतालाई अध्यक्ष बनाइएको र केन्द्रिय कमिटी सदस्यलाई प्रदेश कमिटी मातहत बस्नुपर्ने गरी दिइएको जिम्मेवारीप्रति पुर्व माओवादीका नेताहरुमा तिब्र असन्तुष्टि देखिएको छ ।
सचिवालयले मानमर्दन हुने गरी जिल्ला सचिवमा मनोनयन गरेकोमा असन्तुुष्टि जनाउँदै प्रदेश २ मा चार जना सचिवले पद लिन अस्वीकार गरेका छन् । पर्साको सचिव विजय प्रसाद महतो, रौतहटको सचिव युवराज भट्टराई, सर्लाहीको सचिव डाचाराज वाग्ले र धनुषाको सचिव श्रवण यादवले सचिव पद लिनबाट अस्वीकार गरेका हुन् ।
पर्सा, रौतहट र सर्लाहीका सचिवहरुले लिखित रूपमै पदको जिम्मेवारी नलिने भन्दै पार्टी अध्यक्ष पुष्पकमल दाहाललाई लिखित रूपमा अस्वीकृति पत्र बुझाएका छन् भने सर्लाही र रौतहटका सचिव लिखित अस्वीकृति पत्र बुझाएका हुन् ।
धनुषाका सचिव श्रवण यादव बरबरीयाले प्रदेश २ का प्रदेश कमिटीका अध्यक्ष प्रभु साहमार्फत पद नलिने मौखिक जानकारी गराएका छन् । उनले पार्टीका शिर्ष नेताहरु कमयुनिष्ट विचारबाट विचलित भइ बौलाएर आफुहरुको मानमर्दन गर्ने निर्णय गरेको टिप्पणी गरेका छन् ।
‘शिर्ष नेतृत्व बौलाइसकेका छन्, उनीहरुको दिमाग ठिक छैन् विचारबाट विचलित भइसकेकाहरु क्रान्तिलाई गोल घेरा भित्र बन्द गर्न चाहन्छन्’, उनले भने ।
प्रदेश कमिटी मातहत केन्द्रिय कमिटी बस्नुपर्नेगरी जिम्मेवारी दिनु माकर्सवाद, लेनिनवाद र माओवादको कुनै पानामा नलेखेको उनले आक्रोस व्यक्त गरे । ‘मैले आजसम्म जिल्ला अध्यक्ष बनिन्, ३÷४ जिल्लाका इन्चार्जको रुपमा काम गर्दै आएको छु । मेरो योग्य यो पद नै होइन्, उनले भने ।
प्रतिक्रिया