कोरोना संक्रमणका कारण बारामा नेपाली काँग्रेसका महासमिति सदस्यकाे निधन भएकाे छ । कांग्रेस महासमिति सदस्य मदन मण्डलको गएराति निधन भएको हो ।
बारा आदर्शकोतवाल गाउँपालिका निवासी मण्डलका बिरामी भई वीरगञ्जस्थित नारायणी उपक्षेत्रीय अस्पतालमा परीक्षणबाट कोरोना पुष्टि भएको थियाे । काेराेना संक्रमणकै कारण उनकाे निधन भएकाे हाे ।
शनिबार कोरोना संक्रमण पुष्टि भएपछि थप उपचारका लागि काठमाडाैँ लैजाने क्रममा बाटोमा नै मण्डलको निधन भएको निजगढ नगरपालिकाका नगरप्रमुख सुरेश खनालले जानकारी दिए ।
श्वास-प्रश्वासमा समस्या देखिएपछि उनलाई स्थानीय स्वास्थ्य संस्थामा उपचार गराइएकाे थियाे । तर मण्डललाई कोरोनाको आशंका गरी चेकजाँच गर्दा उनमा कोरोना संक्रमण पुष्टि भएको र अवस्था जटिल हुने देखिएपछि काटमाडाैँ सिफारिस गरिएकाे थियाे ।
उच्च रक्तचाप र श्वास प्रश्वासका बिरामी रहेका मण्डलमा कोरोना संक्रमण देखिएसँगै थप उपचारका लागि काठमाण्डौ लैजाँदै गर्दा बाटोमा मृत्यु भएको खनालले जानकारी दिए ।
मण्डलको निधनप्रति नेपाली काँग्रेस पार्टीले दुःख व्यक्त गरेको छ । पार्टीले निकालेको शोक वक्तव्यमा पार्टी सभापति शेरबहादुर देउवाले गहिरो दुःख व्यक्त गर्दै परिवारप्रति समवेदना र मृतकको आत्माप्रति श्रद्धाञ्जली व्यक्त गरेका छन् ।
प्रतिक्रिया