उदयपुर, उदयपुरगढी गाउँपालिका-४ चारघरे बस्ने बसन्तबहादुर खपाङी मगरको घरमा सोमबार दिउँसो सोलारको ब्याट्री सर्ट भई लागेको आगो नजिकै रहेको सूर्यबहादुर खपाङी मगरको घरमा समेत फैलिएर आगलागी हुँदा दुबै जनाको घर, घरभित्र रहेका सामान र नगद गरी करिब १२ लाख ५० हजार ८ सय रुपैयाँ बराबरको धनमाल जलेर नष्ट भएको छ ।
झापा, कमल गाउँपालिका-५ गुहेश्वरीटोल बस्ने जितेन्द्र धितालको घरमा सोमबार दिउँसो आगलागी हुँदा घर, लत्ताकपडा, अन्नपात, काठपात, भाडावर्तन लगायतका सामान गरी करिब ४ लाख रुपैयाँ बराबरको धनमाल जलेर नष्ट भएको छ ।
काभ्रे, पनौती नगरपालिका-८ मल्पिस्थित सन्तोस राउतको बिन्दबासिनी भैंसी फर्ममा मंगलबार बिहान कुडो पकाउने क्रममा आगलागी हुँदा ४ भैसी, ५ पाडा र गोठ पूर्णरुपमा जलेर करिब १० लाख रुपैयाँ बराबरको धनमाल नष्ट भएको छ ।
कैलाली, गौरीगंगा नगरपालिका-१ गोप्का बस्ने यशोदा बरालको सोनिया पोल्ट्री फर्ममा मंगलबार बिहान विद्युतको तार सर्ट भई आगलागी हुँदा फर्मभित्र रहेका कखुरा र कुखुराको दाना लगायतको सामान गरी करिब ४ लाख ५० हजार रुपैयाँ बराबरको धनमाल जलेर नष्ट भएको छ ।
स्थानीयबासी र दमकलको सहयोगमा आगो नियन्त्रणमा लिनुका साथै यस सम्बन्धमा स्थानीय प्रहरीले थप अनुसन्धान गरिरहेको जनाएको छ ।
प्रतिक्रिया