प्रस्तावित न्यायाधीशको सुनुवाई वैशाख ३ मा 

सर्वोच्च अदालतमा प्रस्तावित न्यायाधीशद्वय कुमार चुँडाल र नहकुल सुबेदीको संसदीय सुनुवाइ आगामी वैशाख ३ गते हुने भएको छ । संसदीय सुनुवाइ समितिले प्रस्तावित न्यायाधीशद्वय कुमार चुँडाल र नहकुल सुवेदीलाई सुनुवाइका लागि वैशाख ३ गते बोलाउने निर्णय गरेको समितिका सभापति लक्ष्मणलाल कर्णले जानकारी दिए ।

समितिको आजको बैठकले उनीहरुविरुद्ध परेको उजुरी सम्बन्धमा उजुरीकर्तालाई बोलाएर जानकारी लिएको थियो । प्रस्तावित न्यायाधीश चुँडालविरुद्ध दुई र सुवेदी विरुद्ध पाँच उजुरी परेका थिए ।

बैठकमा उजुरीकर्ताले उठाएका कतिपय योग्यतालगायतका प्रश्नका विषयमा बैठकमा पर्याप्त छलफल भएको पनि सभापति कर्णले जानकारी दिए ।