प्रमुख प्रतिपक्षी दल नेपाली कांग्रेसका सभापति शेरबहादुर देउवालाई प्रधानमन्त्री बनाउन हस्ताक्षर गर्ने ‘सांसद्’ हरु सिंहदरबारमा भेला भएका छन् । संविधानको धारा ७६ को उपधारा ५ बमोजिम बहुमत सांसदको हस्ताक्षर बुझाउँदा पनि कांग्रेस सभापति शेरबहादुर देउवालाई प्रधानमन्त्री नबनाइएको भन्दै कानूनी लडाइँका लागि विपक्षी गठबन्धनका ‘सांसद्’ हरु नागरिकतासहित सिंहदरबारमा भेला भएका छन् ।
उनीहरुले कानुनी लडाइँका लागि सर्वोच्च अदातल जाने तयारी गरिरहेका छन् । देउवालाई प्रधानमन्त्री बनाउन हस्ताक्षर गर्ने १४९ जना सांसदको तर्फबाट दायर हुन लागेको रिटमा हस्ताक्षर गरेर सबैजना भौतिक रूपमा अदालतमा उपस्थित हुने बताइएको छ ।
सिंहदरबार कांग्रेस संसदीय दलको कार्यालयमा विपक्षी सांसदहरूलाई बोलाएर नागरिकता समेत मागिएको छ । सबै प्रक्रिया पुर्याएर सर्वोच्च जाने विपक्षी सांसदहरूको तयारी छ ।
शुक्रबार मध्यराति प्रधानमन्त्रीमा दाबी गरेका शेरबहादुर देउवा र केपी शर्मा ओलीको दाबीको आधार नपुगेको भन्दै निवेदन खारेज गर्दै राष्ट्रपति संसद् विघटनको घोषणा गरेकी थिइन् । सर्वोच्चद्वारा संसद् विघटन भएको तीन महिना नपुग्दै पनु: विघटन भएपछि विपक्षी दलहरु आक्रोशित भएका हुन् ।
फाइल तस्बिर ।
प्रतिक्रिया