विपक्षी गठबन्धनका नेताहरु राष्ट्रपति विद्यादेवी भण्डारी र प्रधानमन्त्री केपी शर्मा ओलीको असंवैधानिक कदमविरुद्ध सर्वोच्च अदालत जाने भएपछि सुरक्षा व्यवस्था कडा पारिएको छ ।
आइतबार बिहानदेखि नै सर्वोच्च अदालत परिसरमा नेपाल प्रहरी र सशस्त्र प्रहरीको बाक्लो उपस्थिति रहेको छ । विपक्षी गठबन्धन नेपाली कांग्रेस, नेकपा माओवाद केन्द्र, नेकपा एमाले माधव नेपाल समूह, जनता समाजवादी पार्टी नेपाल उपेन्द्र यादव समूह र राष्ट्रिय जनमोर्चाले राष्ट्रपति र प्रधानमन्त्रीविरुद्ध सर्वोच्चमा मुद्दा दायर गर्न जाने तयारी गरिरहेका छन् ।
सर्वोच्च जानुअघि प्रधानमन्त्रीमा शेरबहादुर देउवालाई समर्थन गरेका १४९ सांसद्हरुले सिंहदरबारमा हस्ताक्षर संकलन गरिरहेका छन् । शुक्रबार राति राष्ट्रपति विद्यादेवी भण्डारीले प्रधानमन्त्रीमा कसैको पनि दाबीको आधार नभएको भन्दै संसद् विघटन र निर्वाचनको मिति घोषणा गरेकी थिइन् । राष्ट्रपति र प्रधानमन्त्रीको यस कदमलाई विपक्षी गठबन्धले असंवैधानिक र अलोकतान्त्रिक भनेको छ ।
प्रतिक्रिया