प्रतिनिधिसभा विघटन असंवैधानिक र अलाेकतान्त्रिक भनेका सभामुख अग्निप्रसाद सापकोटा कानुनी परामर्शमा छन्।
प्रधानमन्त्री केपी ओलीको सिफारिसमा राष्ट्रपति विद्यादेवी भण्डारीले जेठ ७ गते राति प्रतिनिधि सभा विघटन गरेपछि सभामुख सापकोटा विज्ञप्ति नै जारी गरेर आपत्ति जनाएका थिए।
त्यसयता औपचारिक र अनाैपचारिक रुपमा परामर्शमा रहेका सापकाेटाले बिहीबार दिउँसाे संविधानविद् र कानुन व्यवसायीसँग छलफल गर्दैछन्। सभामुख सापकाेटाका प्रेस सल्लाहकार श्रीधर न्याैपानेका अनुसार दिउँसो १ बजे संसद भवन बानेश्वरमा छलफल हुनेछ।
सापकाेटाले जेठ ११ गते पूर्वसभामुखसँग पनि परामर्श गरेका थिए। छलफलमा संविधानसभाका अध्यक्ष एवं एमाले नेता सुवास नेम्वाङ भने सहभागी थिएनन्।
प्रतिक्रिया