Logo

राजनीति

सरकारले चुनावमुखी बजेट ल्याउने भएपछि पाँच पूर्वप्रमुख निर्वाचन आयुक्तले जारी गरे यस्ताे विज्ञप्ति



आगामी आर्थिक वर्ष २०७८-७९ काे बजेट आउन दुई दिन मात्र बाँकी रहँदा पाँच पूर्वप्रमुख निर्वाचन आयुक्तले सरकारकाे ध्यानाकर्षण गराएका छन्।

बिहीबार पूर्वनिर्वाचन आयुक्तहरू सूर्यप्रसाद श्रेष्ठ, भोजराज पोखरेल, नीलकण्ठ उप्रेती, अयोधिप्रसाद यादव र कार्यबाहक प्रमुख निर्वाचन आयुक्त दोलखबहादुर गुरूङले संयुक्त विज्ञप्ति जारी गर्दै भनेका छन्, ‘मतदातालाई प्रभाव पार्ने खालको कार्यक्रम बजेटमा नराख्न आग्रह गर्दछाैं।’

प्रतिनिधिसभा विघटन गरी आगामी कात्तिक र मंसिरमा मध्यावधि चुनाव घाेषणा भएसँगै सत्तासीन एमालेका नेताहरु चुनावमुखी बजेटमा केन्द्रित छन्।

‘निर्वाचनको लागि समान प्रतिस्पर्धाको सिद्धान्तभित्र रही मतदातालाई कुनै एक पक्षमा लाग्न प्रभाव पार्नेगरी लक्षित कुनै किसिमका नयाँ नीति कार्यक्रम वा बजेट विनियोजन नगर्न सरकारको ध्यानाकर्षण गर्न चाहन्छौं ।’ विज्ञप्तिमा भनिएको छ ‘यस विषयमा आफ्नो संवैधानिक दायित्वको ख्याल गरी निर्वाचन आयोगले सम्बद्ध पक्षलाई समयमा नै सजग गराउनेछ भन्ने हामीले विश्वास लिएका छौं।’

नीहरुले २०७८ साल कात्तिक र मंसिरमा प्रस्तावित प्रतिनिधि सभाको निर्वाचन गराउने भूमिकामा रहेको वर्तमान कामचलाउ सरकारले आगामी आर्थिक वर्षको बजेट ल्याउँदा त्यसमा समेटिने कार्यक्रमले स्वच्छ, स्वतन्त्र र निष्पक्ष निर्वाचनलाई प्रभावित नबनाउने गरी ल्याउनु पर्ने उनीहरुकाे भनाइ छ।

 

प्रकाशित मिति : १३ जेष्ठ २०७८, बिहिबार  १० : ०९ बजे