देउवालाई प्रधानमन्त्री बनाउने मुद्दाको सुनुवाइ दुई साताको लागि स्थगित

संविधानको धारा ७६ (५) अनुसार आफ्नो पक्षमा बहुमतको दाबी गर्दै नेपाली कांग्रेसका सभापति शेरबहादुर देउवा सहितका संसदहरुले सर्वोच्च अदालतमा हालेको संसद् विघटन विरुद्धको मुद्दाको सुनुवाइ १७ दिनको लागि स्थगित भएको छ । 

बुधवार सर्वोच्च अदालतले संसद् विघटन विरुद्ध संवैधानिक इजलासबाट गरेको सुनुवाइबाट कारण देखाऊ आदेश जारी गर्दै उक्त मुद्दाको सुनुवाइ आगामी असार ९ गतेसम्मको लागि स्थगित गरेको हो । उक्त मुद्दा आफ्नो पक्षमा परेसँगै सभापति  देउवा धारा ७६ (५) अनुसार प्रधानमन्त्री बन्ने छन् ।

उक्त मुद्दाको सुनुवाइ प्रधानन्यायाधीश जबरा सहित न्यायाधीशद्वय दीपककुमार कार्की, मीरा खड्का, ईश्वरप्रसाद खतिवडा र आनन्दमोहन भट्टराईको इजलासमा भएको हो ।