प्रधानमन्त्रीलाई धम्की दिने कांग्रेस सांसद् वैद्यविरुद्ध फौजदारी कसुरमा मुद्दा दर्ता

वाग्मती प्रदेशका नेपाली कांग्रेसका सांसद नरोत्तम वैद्यविरुद्ध फौजदारी कसुरमा मुद्दा दर्ता भएको छ । एमालेका कार्यकर्ताले जिल्ला प्रहरी कार्यालय मकवानपुरमा पुगेर आइतबार मुद्दा दर्ता गराएका हुन् । 

आइतबार एमाले निकट  युवासंघका जिल्ला नेताले जिल्ला प्रहरी कार्यालय मकवानपुरमा पुगेर मुद्दा दर्ता गराएका हुन् । हत्या दुरुत्साहनको मुद्दा दर्ता गरिएको मकवानपुरका एसपी सोमेन्द्रसिंह सिंह राठौरले बताए ।

सांसद वैद्यले प्रदेश सरकारको नीति तथा कार्यक्रम माथिको छलफलमा बोल्दै प्रधानमन्त्रीका लागि नाथुराम गोड्से बन्ने अभिव्यक्ति दिएका थिए । चौतर्फी आलोचनापछि सांसद वैद्यले शनिबार प्रदेश सभामै आत्मालोचना गर्दै माफी मागिसकेका छन् । तर  वैद्यलाई फौजदारी कसुरमा मुद्दा चलाइ कारवाही गर्न मागसहित मुद्दा दर्ता भएको छ ।