नेपाली कांग्रेसको केन्द्रीय कार्यसमिति बैठक शुक्रबार पनि बस्दैछ । कांग्रेस मुख्य सचिव कृष्ण पौडेलका अनुसार पार्टीको बैठक शुक्रबार दिउँसो १ बजे केन्द्रीय कार्यालय सानेपामा बस्ने भएको हो ।
पार्टीको बिहीबार बसेको केन्द्रीय कार्यसमिति बैठकले साउन १२ गतेदेखि पार्टीको १४ औं महाधिवेशनको औपचारिक सुरुवात गर्ने भएको छ । कांग्रेसको बिहीबार बसेको केन्द्रीय कार्यसमिति बैठकले महाधिवेशनको तालिकालाई सामान्य संशोधनसहित अनुमोदन गरेको हो । यसअघि पदाधिकारी बैठकले क्रियाशील सदस्यताको सम्पूर्ण कार्यको टुंगो असार २० सम्ममा लगाउने भनेकामा त्यसलाई बढाएर असार मसान्तसम्म समय दिइएको छ । पदाधिकारी बैठकले प्रस्ताव गरेका तल्ला तहको अधिवेशन तालिकालाई सामान्य संशोधन गरिएको छ ।
महाधिवेशनको मिति भने भदौ १६ देखि १९ नै कायम छ ।
यस्तो छ महाधिवेशन कार्यतालिका :
गाउँ /नगर वडा अधिवेशन -२०७८ साउन १२गते
गाउँ /नगरपालिका अधिवेशन -२०७८ साउन १६गते
प्रदेश सभा क्षेत्रीय अधिवेशन-२०७८ साउन २०गते
प्रतिनिधि सभा क्षेत्रीयअधिवेशन/एक मात्र प्रतिनिधि सभा निर्वाचन क्षेत्र भएको जिल्ला अधिवेशन-२०७८ साउन २३ गते
एक भन्दा बढी प्रतिनिधि सभा निर्वाचन क्षेत्र भएको जिल्ला अधिवेशन-२०७८ साउन २६ गते
प्रदेश अधिवेशन-२०७८ भदौ १ र २ गते
केन्द्रीय महाधिवेशन -२०७८ भाद्र १६, १७, १८, १९ गते काठमाडौंमा ।
प्रतिक्रिया