काठमाडौं । प्रमुख प्रतिपक्षी दल नेपालि कांग्रेसका सभापति शेरबहादुर देउवा निवास बूढानीलकण्ठमा प्रतिपक्षी दलका शीर्ष नेता जुटेका छन् ।
सर्वोच्च अदालतमा असार ९ देखि प्रतिनिधिसभा विघटनविरुद्धको मुद्दामा सुनुवाई सुरु हुन लागेका बेला विपक्षी गठबन्धनको थप रणनीति बनाउन कांग्रेस, माओवादी, जसपाको उपेन्द्र यादव समूह र एमालेको माधव नेपाल समूहका नेताहरु छलफलमा जुटेका हुन् ।
गठबन्धनका नेताहरू माधव नेपाललाई धोका नदिन आग्रह गरेका छन् । माधव पक्षकै दोस्रो तहका नेताहरू पार्टीलाई जेठ २ मा फर्काउन ओली तयार भएको अवस्थामा एमाले एकता कायम गर्न लागिरहेका बेला नेपालमाथि गठबन्धन नतोड्न आएको हो ।
छलफलमा कांग्रेस सभापति देउवासहित रामचन्द्र पौडेल र पूर्णवहादुर खड्का सहभागी छन् भने माओवादी अध्यक्ष प्रचण्डसहित नारायणकाजी श्रेष्ठ र देव गुरुङ सहभागी छन् ।
बैठकमा जसपाका अध्यक्ष उपेन्द्र यादव, डा. बाबुराम भट्टराई र राजेन्द्र श्रेष्ठ सहभागी रहेको स्रोतले जनाएको छ । त्यस्तै माधव नेपाल र भीम रावल पनि बैठकमा सहभागी छैनन् ।
प्रतिक्रिया