प्रतिनिधिसभा विघटनविरुद्धको मुद्दामा बिहीबारको बहस सकिएको छ । आज प्रधानमन्त्री केपी शर्मा ओली तर्फका कानुन व्यवसायीहरूले बहस गरेका थिए ।
आज बहस गर्नेहरूमा वरिष्ठ अधिवक्ता अग्नि खरेल, सुरेन्द्रकुमार महतो, अधिवक्ता परशुराम कोइराला, सुवास आचार्य, वरिष्ठ अधिवक्ताहरू महेश नेपाल, टंक दुलाल र रविनारायण खनाल रहेका छन् ।
अब प्रधानमन्त्री ओलीका तर्फबाट बहस गरिरहेका कानुन व्यवसायीको १ घण्टा ३० मिनेट समय बाँकी रहेको छ ।
उक्त मुद्दामा गत असार ९ गते देखी सर्वोच्च अदालतमा प्रधानन्यायाधीश चोलेन्द्रशम्शेर जबरा, वरिष्ठतम न्यायाधीश दीपककुमार कार्की, मीरा खड्का, ईश्वरप्रसाद खतिवडा र डा आनन्दमोहन भट्टराईको संवैधानिक इजलासमा सुनुवाइ भइरहेको छ ।
उक्त मुद्दामा ३० वटै रिट निवेदन परेका थिए । गत जेठ ८ गते मन्त्रिपरिषद्को सिफारिसमा प्रतिनिधिसभा विघटन गरी आगामी कात्तिक २६ र मङ्सिर ३ गते मध्यावधि निर्वाचन तोक्ने गरी राष्ट्रपतिको जेठ ८ गतेको निर्णय बदर गरेर असंवैधानिक र गैर कानुनी घोषणा गर्ने माग ती निवेदनमा गरिएको छ ।
प्रतिक्रिया