नेकपा एमालेको केन्द्रीय कमिटी बैठक बस्दै छ ।
एमाले अध्यक्ष एवं प्रधानमन्त्री केपी शर्मा ओलीले शुक्रबार केन्द्रीय कमिटी बैठक बोलाएका छन् ।
उनले दशौं महाधिवेशन आयोजक कमिटी भंग गरेर केन्द्रीय कमिटी बैठक बोलाएका हुन् ।
एमालेले आज बोलाएको केन्द्रीय कमिटी बैठकमा वरिष्ठ नेता माधवकुमार नेपाल पक्षका केन्द्रीय सदस्यहरू सहभागी नजाने भएका छन् ।
विहीबार बसेको नेपाल पक्षीय स्थायी कमिटी बैठकले केन्द्रीय कमिटी बैठकमा नजाने निर्णय गरेको हो ।
सहमतिविना नै बैठक बोलाइएको भन्दै केन्द्रीय कमिटी बैठकमा नजाने नेपाल पक्षीय नेताहरूले जनाएका छन् । शुक्रबार बोलाइएको केन्द्रीय बैठकलाई अवैधानिक भनेको छ ।
पार्टीलाई २०७५ जेठ २ को अवस्थामा फर्काउन दुबै पक्षबीच वार्ता र छलफल गरेर सहमति हुनुपर्ने नेपाल पक्षको भनाइ छ । पार्टी विधानअनुसार बैठकअघि एजेन्डामा सहमतिसमेत नगरिएको उनीहरूको भनाइ छ ।
प्रतिक्रिया