नेकपा माओवादी केन्द्र छाडेर नेकपा एमाले प्रवेश गरेका ४ जान नेताहरुले गुमाएको आफ्नो सांसद पद कायमै राखिदिन र आफ्नो पार्टी माओवादी केन्द्र नै भएको दावी गर्दै सर्वोच्च अदालतमा दायर गरिएको रिटमाथि आज सुनुवाई हुँदैछ ।
माओवादी छाडेर एमालेमा गएका टोपबहादुर रायमाझी, लेखराज भट्ट, प्रभु साह र गौरीशंकर चौधरीले आफुहरु माओवादी केन्द्रमै रहेको र आफ्नो सांसद पद पनि कायमै हुनुपर्ने भनि बुधबार दायर गरेको रिटमाथि न्यायाधीश दीपककुमार कार्कीको इजलासले सुनुवाई गर्नेछ ।
निर्वाचन आयोगले गत असार २३ गते उपलब्ध गराएको विवरणमा आफूहरू माओवादी केन्द्रकै सदस्य रहेको जिकीर गर्दै उनीहरुले प्रतिनिधिसभा सदस्य पद खारेजको निर्णय बदर हुनुपर्ने माग गरेका छन् ।
अब न्यायाधिश कार्कीको इजलासले नै ४ नेताहरुको भविष्य के हुने भन्ने फैसला गर्नेछ । तत्कालीन प्रधानमन्त्री केपी ओलीले उनीहरुलाई मन्त्री बनाउनुका साथै एमालेमा प्रवेस गराएका थिए । माओवादी छाडेर एमाले प्रवेश गरेपछि माओवादीले निर्वाचन आयोगमा दिएको दल त्यागको सूचनापछि उनीहरुको सांसद पद गुमेको थियो । भने सर्वोच्चको आदेशपछि उनीहरुको मन्त्री पदसमेत गुमेको थियो ।
प्रतिक्रिया