नेकपा एमालेको माधवकुमार नेपाल समूहको बैठकमा ५५ जनाले आफ्नो धारणा राखेका छन् । ५५ जना केन्द्रीय सदस्यहरु बोलीसकेपछि बैठक केही बेरका लागि स्थगन समेत गरिएको छ ।
बैठकमा बोल्ने अधिकाँस केन्द्रीय सदस्यहरुले पार्टी एकतामा जोड दिदै केपी ओलीले सच्चिनु पर्ने धारणा राखेका थिए । केन्द्रीय सदस्य मेटमणि चौधरीका अनुसार ओलीले आफ्ना गल्तीप्रति आत्माआलोचित भएर माफी मागेमा उनलाई एकतामा समावेश गर्न सकिने केन्द्रीय सदस्यहरुको धारणा हो ।
धेरैजसो केन्द्रीय सदस्यहरुले आफूहरुकै समर्थनमा बनेको शेर बहादुर देउवा नेतृत्वको सरकारमा जानु पर्ने समेत बताएका छन् । ओलीसँग नझुक्न नेतृत्वलाई सुझाव दिदै ओलीले गरेको गल्तीप्रति क्षमायाचना नगरे अर्को पार्टी बनाएर जानु पर्ने मत राख्ने केन्द्रीय सदस्यहरु समेत धेरै छन् ।
केन्द्रीय सदस्य चौधरीले ओलीलाई माफी मागेर पार्टी एकतामा आउन एक साताको डेटलाइन दिनुपर्ने बताएका छन् ।
प्रतिक्रिया