राष्ट्रपति विद्यादेवी भण्डारीले दल विभाजनसम्बन्धी अध्यादेश जारी गरेसँगै नेकपा एमालेका वरिष्ठ नेता माधवकुमार नेपाल समूह नयाँ दल गठनको तयारीमा लागगेको छ । नयाँ दल दर्ताका लागि सबै तयारी पूरा गरेको बताएको नेपाल समूह बानेश्वरस्थित अर्याल होटेलमा निर्णायक बैठकका लागि भेला भएका छन् ।
बैठकमा पार्टी विभाजनका लागि तयार भएका केन्द्रीय सदस्य र सांसदहरू उपस्थित छन् । राष्ट्रपतिबाट अध्यादेश जारी हुनेबित्तिकै माधव नेपाल बैठक स्थलामा आएका छन् । उनी आएसँगै बैठक शुरू भएको छ ।
बैठकपछि नयाँ दल दर्ताका लागि निर्वाचन आयोगमा जाने नेपाल समूहको तयारी छ । एक नेताका अनुसार पार्टीको केही नाममध्ये प्राथमिकतामा नेकपा एमाले (समाजवादी) राखिएको छ । चुनाव चिन्ह भने कलम, हँसिया हथौडा वा कुनै रूपमा सूर्यको विकल्पमा छलफल भइरहेको छ ।
प्रतिक्रिया