रेलमार्गको ठेक्का प्रक्रियामा मिलेमतो गरि नितिगत भ्रष्टाचार गरिएको भन्दै चौतर्फी रुपमा चर्को दबाब र विरोधपछि रेल विभागले काँकडभिट्टा–इनरुवा १०६ किलोमिटर लामो रेलमार्गको ट्र्याक बेड निर्माणको ठेक्का रद्द गरेको छ ।
काँग्रेस बरिष्ठ नेता रामचन्द्र पौडेलले भदौ १७ गते बिज्ञप्ति जारि गर्दै पुर्व तयारि र जग्गा मुआव्जाको व्यबस्था, साइट क्लियरेन्स नगरि अरबौं पैसा भ्रष्टाचार गर्न मिलेमतो गरि ठेक्का निकालिएकोले तत्काल रद्ध गर्न र भ्रष्टाचारमा संलग्नलाई कारवाही गर्न माग गरेका थिए भने नेविसंघ पुर्व अध्यक्ष तथा संबिधानसभा सदस्य रञ्जित कर्णको नेतृत्वमा काँग्रेस निकट युवा नेताहरुले गत आइतवार सडक आन्दोलन गर्दै ठेक्का रद्ध गर्न र भ्रष्टाचारिहरुलाई कारवाही गर्न माग गर्दै माईतिघर मण्डलामा कालो पट्टि सहित बिरोध प्रदर्शनमा उत्रिएका थिए ।
१०६ किलोमिटर लम्बाईको ट्र्याक बेड निर्माणलाई सीमित ९१८० ठेकेदार मात्र सहभागी हुन पाउने गरी ५४ टुक्रा पारिएको थियो । बोलपत्र मूल्यांकन समितिले कोरोना महामारी र जग्गा प्राप्ति तथा साइट क्लिरेन्स तत्काल हुन नसक्ने भएकाले बोलपत्र स्विकार्न नसकिने राय दिएपछि विभागले मंगलबार सूचना निकालेर ठेक्का रद्द गरेको हो ।
बोलपत्र मूल्यांकन समिति र रेल विभागका कानून तथा लेखा शाखालगायतले बोलपत्र स्विकार्न नसकिने राय लेखेर महानिर्देशकसमक्ष सिफारिस गरेका छन् ।
यसअघि ३३ अर्ब ३४ करोड ८० लाख रुपैयाँको ठेक्कामा पूर्वतयारी नगरी ठेक्का प्रक्रिया थालिएको थियो । सीमित ठेकेदारलाई भाग लगाएर ट्रयाक निर्माणको ठेक्का दिइएपछि केपी ओली सरकारको चौतर्फी विरोध भएको थियो ।
प्रतिक्रिया