काठमाडौं । लुक्लाबाट उडेको मनाङ्ग एयरको हेलिकप्टर सोलुखुम्वुको लाम्जुरामा दुर्घटना भएको छ ।
सोलुदुधकुण्ड नगरपालिका र लिखुपिके गाउँपालिका नजिकैको लाम्जुरामा हेलिकप्टर दुर्घटना भएको प्रारम्भिक सूचना आएको कोशी प्रदेशका प्रहरी प्रमुख राजेशनाथ बाँस्तोलाले जानकारी दिए ।
मनाङ एयरको ९–एन–एमभी कलसाइन भएको हेलिकप्टर १० बजेर १० मिनेटमा सुर्केबाट उडेको थियो ।
उनका अनुसार घटनास्थलतर्फ प्रहरी परिचालन गरिएको छ । उक्त हेलिकप्टरमा पाइटलसहित ६ जना यात्रु थिए । दुर्घटनाको विस्तृत विवरण भने आउन बाँकी छ ।
प्रतिक्रिया